ہونڈا ایٹلس نے بی آر-وی کی پیداوار ختم کر دی

ہونڈا اٹلس کارز لمیٹڈ (HACL) نے ہونڈا بی آر وی کی پیداوار بند کر دی ہے، ڈان نے کمپنی کے ایک سینئر ایگزیکٹو کے حوالے سے یہ خبر دی۔ ان کے مطابق گاڑی اپنا لائف سائیکل مکمل کر چکی ہے اور جاپان اور دیگر ممالک سے پرزے حاصل کرنے میں کوئی مسئلہ نہیں تھا۔ ایگزیکٹو نے واضح نہیں کیا کہ قریبی مستقبل میں اس کا کوئی متبادل لایا جائے گا یا نہیں، کیونکہ ماہانہ پیداوار پہلے ہی 25-50 یونٹ کے لگ بھگ کم تھی۔

کمپنی نے آفیشل ویب سائٹ سے بھی بی آر وی ہٹا دی ہے، جبکہ دیگر تمام گاڑیاں نمایاں طور پر موجود ہیں۔ پاکستان آٹوموٹو مینوفیکچررز ایسوسی ایشن (پاما) کے اعداد و شمار کے مطابق بی آر وی اور ایچ آر وی کی مشترکہ پیداوار اور فروخت جولائی تا اگست میں گر کر 120 اور 191 یونٹ رہ گئی، جبکہ 2025 کی اسی مدت میں یہ 1,460 اور 731 یونٹ تھی۔ بی آر وی کی اسمبلی اپریل 2017 میں 648 یونٹ سے شروع ہوئی اور اسی مہینے 527 یونٹ فروخت ہوئے۔

ایک ہونڈا ڈیلر کے مطابق بی آر وی شو رومز سے پہلے ہی غائب ہے اور خریدار اس کی بکنگ یا فوری خریداری میں کم دلچسپی ظاہر کر رہے ہیں۔ ہونڈا کے وینڈرز نے بھی پیداوار بند ہونے کی تصدیق کی ہے، جبکہ ڈان کے مطابق پاما کے اعداد و شمار سے لگتا ہے کہ چینی اور کورین ماڈلز کی آمد کے بعد، خاص طور پر ہائبرڈ اور بیٹری گاڑیوں کے ساتھ، دونوں ماڈلز کی فروخت مشکلات کا شکار رہی ہے۔