چینی درآمدات میں اضافے کے باعث نو ہمسایہ ممالک کے ساتھ پاکستان کا تجارتی خسارہ 27 فیصد بڑھ کر 5 ارب ڈالر ہوگیا

اسٹیٹ بینک آف پاکستان کے اعداد و شمار کے حوالے سے پرافٹ بائی پاکستان ٹوڈے نے بتایا کہ جولائی تا ستمبر مالی سال 2026-27 میں پاکستان کا 9 ہمسایہ ملکوں کے ساتھ تجارتی خسارہ 26.62 فیصد بڑھ کر 4.97 ارب ڈالر ہوگیا، جو گزشتہ سال اسی عرصے میں 3.93 ارب ڈالر تھا۔ اس خطے کو برآمدات 6.72 فیصد کم ہوکر 944.24 ملین ڈالر رہیں، جبکہ درآمدات 19.79 فیصد اضافے سے 5.92 ارب ڈالر تک پہنچ گئیں۔

خسارے میں اضافے کی بڑی وجہ چین سے درآمدات رہیں، جو 19.76 فیصد بڑھ کر 5.82 ارب ڈالر ہوگئیں، جبکہ چین کو برآمدات 17.95 فیصد اضافے سے 663.57 ملین ڈالر تک پہنچیں۔ اس کے باوجود چین کے ساتھ دوطرفہ خسارہ 858.81 ملین ڈالر بڑھا، جو 9 ملکوں کے مجموعی خسارے میں اضافے کے چار پانچویں سے زیادہ کے برابر تھا۔ افغانستان کو برآمدات معطل تجارت کے دوران 88.34 فیصد گر کر 18.86 ملین ڈالر رہیں، بنگلہ دیش کو ترسیل بھی گھٹی، جبکہ سہ ماہی میں بھارت کو کوئی برآمد نہیں ہوئی۔