امریکی برآمدات میں اضافے کے باوجود گندم مسلسل نویں ہفتے خسارے کی جانب

شکاگو میں گندم کے سودے جمعے کو 0.5% بڑھ کر 6.06-3/4 ڈالر فی بشل ہوگئے، تاہم ہفتے کے دوران 3% کمی کے بعد مسلسل نویں ہفتہ گراوٹ کا امکان برقرار رہا۔ بزنس ریکارڈر کے مطابق امریکی اناج کی طلب اور چین کی جانب سے ممکنہ خریداری نے قیمتوں کو سہارا دیا، جو ہفتے کے آغاز میں تقریباً چار ماہ کی کم ترین سطح پر پہنچی تھیں۔

امریکی محکمہ زراعت کے اعدادوشمار کے مطابق 22 اکتوبر کو ختم ہونے والے ہفتے میں 2026-27 کی گندم کی خالص برآمدی فروخت 849,800 میٹرک ٹن رہی، جو رواں تجارتی سال کی بلند ترین سطح ہے۔ بحیرہ اسود سے رسد بڑھنے کا امکان اور آسٹریلیا و ارجنٹائن کی آئندہ فصلوں نے قیمتوں پر دباؤ برقرار رکھا، جبکہ مکئی اور سویابین بھی ہفتہ وار کمی کی راہ پر تھیں۔