حکومت نے پٹرول کی قیمت میں 2.27 روپے فی لیٹر اور ہائی اسپیڈ ڈیزل کی قیمت میں 3.56 روپے کی کمی کی ہے۔

ڈان کے مطابق حکومت نے پیر کے روز پیٹرول کی قیمت میں 2.27 روپے فی لیٹر اور ہائی اسپیڈ ڈیزل (HSD) کی قیمت میں 3.56 روپے فی لیٹر کمی کی۔ پیٹرولیم ڈویژن کے نوٹیفکیشن کے مطابق نئی قیمتوں کا اطلاق 29 ستمبر سے ہوگا، جس کے بعد پیٹرول 389.03 روپے اور HSD 404.97 روپے فی لیٹر فروخت ہوگا۔ ٹیکسوں اور ڈیوٹیوں کی مد میں اب بھی پیٹرول پر 114 روپے اور ڈیزل پر 100 روپے فی لیٹر وصول کیے جا رہے ہیں۔

ڈیزل کی قیمت امریکہ اور ایران کے درمیان جنگ شروع ہونے کے بعد 28 فروری کو 281 روپے فی لیٹر سے بڑھنا شروع ہوئی اور 3 اپریل کو 520.35 روپے کی بلند ترین سطح تک پہنچ گئی۔ پیٹرول کی قیمت بھی مارچ کے پہلے ہفتے میں 266 روپے سے بڑھی اور اسی تاریخ یعنی 3 اپریل کو 458.41 روپے تک جا پہنچی۔

اس کے علاوہ حکومت نے ایک بار پھر کفایت شعاری کے اقدامات نافذ کیے ہیں، جن میں رات 9 بجے تک مارکیٹیں بند کرنا اور تین ماہ کے لیے سرکاری گاڑیوں کے ایندھن کے کوٹے میں 50 فیصد کمی شامل ہے۔ کابینہ اور وزیراعظم کے فیصلے کے تحت اب اوگرا بین الاقوامی مارکیٹ کے رجحانات کی بنیاد پر روزانہ ایندھن کی قیمتیں مقرر کرے گا۔