پیٹرول کی قیمت میں 3.40 روپے، جبکہ ہائی اسپیڈ ڈیزل کی قیمت میں 7.76 روپے کمی

بزنس ریکارڈر کے مطابق اوگرا کی جانب سے نئی قیمتوں کے اعلان کے بعد 3 نومبر سے پاکستان میں پٹرول اور ہائی اسپیڈ ڈیزل سستا ہوگیا۔ پٹرول کی قیمت 3.40 روپے کمی کے بعد 374.51 روپے فی لیٹر ہوگئی، جبکہ ایچ ایس ڈی 7.76 روپے سستا ہوکر 395.20 روپے فی لیٹر پر آگیا۔ ایچ ایس ڈی کی سابقہ قیمت 402.96 روپے فی لیٹر تھی۔

رپورٹ کے مطابق ایچ ایس ڈی کی قیمت میں کمی کی وجہ عالمی مارکیٹ میں اس کے کریک اسپریڈ کا 41.89 امریکی ڈالر سے گھٹ کر 38.00 امریکی ڈالر فی بیرل ہونا ہے۔ پٹرول کا عالمی معیار بھی 120.56 سے کم ہوکر 118.62 امریکی ڈالر فی بیرل ہوگیا، جبکہ مال برداری سمیت اس کا پریمیم 25.52 امریکی ڈالر فی بیرل رہا۔ دونوں ایندھنوں پر پیٹرولیم لیوی 80 روپے فی لیٹر اور موسمیاتی معاونت لیوی 5 روپے فی لیٹر برقرار ہے، جبکہ ڈیلرز اور تیل کی مارکیٹنگ کمپنیوں کے منافع میں بھی تبدیلی نہیں ہوئی۔