آبنائے ہرمز میں جہازوں پر حملوں سے ایران کے ساتھ جنگ بندی کی امیدیں ماند پڑنے پر تیل کی قیمتیں بحال

گزشتہ کاروباری سیشن میں 2 ماہ کی کم ترین سطح چھونے کے بعد بدھ کو تیل کی قیمتیں سنبھل گئیں۔ آبنائے ہرمز میں بحری جہازوں پر تازہ حملوں نے امریکا اور ایران کے درمیان کشیدگی کم ہونے کی امیدوں کو کمزور کیا۔ برینٹ 1.1 فیصد اضافے سے 92.53 ڈالر فی بیرل، جبکہ امریکی ویسٹ ٹیکساس انٹرمیڈیٹ 0.8 فیصد بڑھ کر 86.71 ڈالر پر پہنچ گیا۔

جہاز رانی کو لاحق خطرات برقرار ہیں۔ مشرق وسطیٰ کی جنگ شروع ہونے کے بعد اکتوبر میں 37 بحری جہازوں پر حملے ہوئے، جو کسی ایک ماہ کی سب سے بڑی تعداد تھی، جبکہ ایران کی پاسدارانِ انقلاب کی بحریہ کے مطابق بحری سرنگوں سے ٹکرانے کے بعد 2 تیل بردار جہازوں میں آگ لگ گئی۔ عمان میں لیما کے شمال مشرق میں ایک جہاز کو بھی نشانہ بنایا گیا، جبکہ امریکی پٹرولیم انسٹی ٹیوٹ کے اعداد و شمار کا حوالہ دینے والے ذرائع کے مطابق 6 نومبر کو ختم ہونے والے ہفتے میں امریکی خام تیل کے ذخائر 9 ملین بیرل بڑھے۔

بزنس ریکارڈر کے مطابق اکتوبر کے اواخر سے یوکرینی ڈرون حملوں کے دوبارہ آغاز کے باعث روس کی تیل صاف کرنے کی صلاحیت تقریباً 30 فیصد گھٹ گئی ہے۔ تیل کی منڈی میں سفارتی پیش رفت کے بارے میں غیر یقینی اور خام تیل کی ترسیل و جہاز رانی میں رکاوٹوں کے خدشات دونوں موجود ہیں۔