سن جینٹا اور کیویو ایگری کمپنی لمیٹڈ نے اسٹریٹجک تعاون کا اعلان کر دیا

سنجنٹا اور جاپان کی کیویو ایگری کمپنی لمیٹڈ، جو جاپان کی ایک معروف زرعی کیمیکل ساز کمپنی ہے، منگل کے روز ایشیا کی منتخب چاول منڈیوں کے لیے سائیکلوپائرانل پر مبنی جڑی بوٹی مار ادویات متعارف کرانے کے لیے اسٹریٹجک تعاون کا اعلان کیا۔ بزنس ریکارڈر کے مطابق یہ فعال جزو کیویو ایگری نے تیار کیا ہے، اور سنجنٹا اس معاہدے کے تحت خطے کے کئی ممالک میں ان مصنوعات کی مارکیٹنگ کرے گی۔

سنجنٹا سائیکلوپائرانل کو چاول کے لیے اپنی پہلی ایسی جڑی بوٹی مار دوا قرار دیتی ہے جو پی پی او انہیبٹنگ طریقہ کار پر کام کرتی ہے اور جسے ہربی سائیڈ گروپ 14 کہا جاتا ہے۔ یہ کم مقدار میں بھی مؤثر ہے اور چوڑے پتوں اور گھاس کی وسیع اقسام کی جڑی بوٹیوں کو چھوتے ہی ختم کر دیتی ہے، بشمول وہ جڑی بوٹیاں جن میں اے سی کیس اور ALS ادویات کے خلاف مزاحمت پیدا ہو چکی ہے۔ کسان اسے جڑی بوٹیاں نکلنے سے پہلے یا بعد میں استعمال کر سکتے ہیں، جس سے انہیں کھیت میں زیادہ لچک ملتی ہے۔

محققین کے مطابق دنیا بھر کے چاول کے کھیتوں میں جڑی بوٹیوں کی ایسی اقسام کے 190 سے زائد دستاویزی کیسز سامنے آ چکے ہیں جن پر جڑی بوٹی مار ادویات اثر نہیں کرتیں۔ بارن یارڈ گراس کو ان جڑی بوٹیوں میں شمار کیا جاتا ہے جنہیں قابو کرنا سب سے مشکل ہے، کیونکہ یہ غذائی اجزا کے لیے فصل سے مقابلہ کرتی ہے اور چاول کی طرح دکھائی دے کر اس کی جلد شناخت اور خاتمے میں رکاوٹ بنتی ہے۔ سنجنٹا کراپ پروٹیکشن میں مارکیٹنگ کی قیادت کرنے والی ایونا ٹیوڈر کے مطابق مزاحمت کی وجہ سے چاول کے کاشتکاروں کے لیے دستیاب آپشنز تیزی سے کم ہو رہے ہیں۔ کیویو ایگری کے صدر ماسا کازو یاماڈا نے اس شراکت داری کو کمپنی کی ملکیتی ٹیکنالوجی کو عالمی سطح پر لے جانے کا اہم سنگ میل قرار دیا۔