امبانی کی ریلائنس نے مسک کو پہلے جواب میں اسٹارلنک کے مقابلے کا خیرمقدم کیا

ریلائنس انڈسٹریز نے ایلون مسک کے اسٹارلنک کے جواب میں کہا ہے کہ وہ بھارت کی سیٹلائٹ انٹرنیٹ مارکیٹ میں مسابقت کا خیرمقدم کرتی ہے۔ بزنس ریکارڈر کے مطابق یہ بیان گزشتہ ایک ہفتے کے دوران مسک کے حملوں پر کمپنی کا پہلا عوامی ردِعمل ہے، جو جیو پلیٹ فارمز کے 108 ارب ڈالر کے ریکارڈ آئی پی او سے چند دن پہلے سامنے آیا۔

مسک نے بھارتی حکومت اور مکیش امبانی پر اسٹارلنک کی آمد میں رکاوٹ ڈالنے کا الزام لگایا ہے، جبکہ ایک ارب سے زائد انٹرنیٹ صارفین والی اس مارکیٹ میں جیو 530 ملین سے زائد صارفین کے ساتھ سب سے بڑا موبائل آپریٹر ہے۔ ریلائنس نے جمعہ کو کہا کہ جیو کی اپنی سیٹلائٹ خدمات ابھی منظوریوں کی منتظر ہیں۔

بیان میں مسک کا نام نہیں لیا گیا، تاہم کمپنی نے کہا کہ وہ ریلائنس اور بھارتی مارکیٹ سے متعلق حالیہ بیانات کا جواب دے رہی ہے۔ کمپنی نے اس جواب کو حقائق واضح کرنے کی کوشش قرار دیا ہے۔