زیادہ درآمدات کے باعث پہلی سہ ماہی میں کرنٹ اکاؤنٹ خسارہ سال بہ سال 16 فیصد بڑھ گیا

بزنس ریکارڈر کی رپورٹ کے مطابق رواں مالی سال کی پہلی سہ ماہی میں کرنٹ اکاؤنٹ خسارہ 16 فیصد بڑھ گیا، جس کی بنیادی وجہ درآمدی اشیا کے بل میں اضافہ ہے۔ اسٹیٹ بینک آف پاکستان نے جمعہ کے روز بتایا کہ جولائی سے ستمبر کے دوران خسارہ 874 ملین ڈالر رہا، جو پچھلے سال اسی عرصے میں 755 ملین ڈالر تھا، یعنی 119 ملین ڈالر کا اضافہ۔

ستمبر کے مہینے میں خسارہ 356 ملین ڈالر رہا، جب کہ پچھلے سال اسی مہینے میں 133 ملین ڈالر کا فاضل تھا۔ اگست میں یہ خسارہ 73 ملین ڈالر تھا، یوں ماہانہ بنیاد پر 388 فیصد کا تیز اضافہ ہوا۔

درآمدی بل 15.5 ارب ڈالر سے بڑھ کر 17.7 ارب ڈالر تک پہنچ گیا، جب کہ 10.8 ارب ڈالر کی ترسیلات زر میں 13 فیصد اضافہ ہوا اور اس نے خسارے کو پورا کرنے میں مدد دی۔ اسٹیٹ بینک کو توقع ہے کہ مستحکم ترسیلات زر اور آئی سی ٹی برآمدات میں اضافہ مالی سال کے آخر تک کرنٹ اکاؤنٹ خسارے کو جی ڈی پی کے 0-1 فیصد کے اندر رکھے گا۔